WhatsApp-та 4 бірдей жаңа функция пайда болды

WhatsApp мессенджерін құрастырушылар қосымшадағы жаңа функциялар жайлы мәлімдеді, деп хабарлайды Zakon.kz.

Оның бірі камера эффектілеріне қатысты.

"Өткен жылы көпшіліктің көңілінен шыққан, бейне қоңырау кезіндегі эффектілерді шығардық. Енді осы 30 фонды, фильтр мен эффектілерді чаттарда жіберетін бейнелер мен фотосуреттер үшін пайдалануға болады",- делінген ақпаратта.

Келесі жаңалық селфи стикерлеріне қатысты. Селфи негізінде жеке стикерлер жасауға болады. Мұны істеу үшін стикер белгішесін басып, "жасау" тармағын таңдап, камераны пайдаланып суретке түсіріңіз. Бұл мүмкіндік Android үшін қол жетімді және жақын арада iOS құрылғыларында пайда болады.

Тағы бір мүмкіндік – стикерлер жиынтығын жіберу.

Тағы бір жаңалық - жылдам реакциялар. Хабарламаға жауап беру үшін оны екі рет түртіп, өзіңіз жиі қолданатын реакциялардың бірін таңдау керек.

Бұған дейін WhatsApp арқылы жасалған алаяқтық туралы ескертілген болатын.