«Қазақтелеком» Tele2/Altel-ді қатарлық компанияға сатты

"Қазақтелеком" ұлттық компаниясы Qatar Power International Holdig (PIH) компаниясымен Mobile Telecom-Service сату жөніндегі мәмілені аяқтады, деп хабарлайды Zakon.kz.

Бұл туралы 14 қаңтарда "Қазақтелеком" басшысы Бағдат Мусин мәлімдеді.

"Министр болған кезімде Қазақстандағы телекоммуникация саласы тым монополияланғанын айтып жүргем. Мемлекет басшысы да экономиканың негізгі салаларын демонополизациялау қажеттігін бірнеше рет айтқан болатын. Бүгін "Қазақтелеком" АҚ "Мобайл Телеком-Сервис" компаниясындағы 100% үлесін Катардың Power International Holding холдингіне сату бойынша мәмілені аяқтағанын қуана хабарлаймын", - деп жазды ол Telegram-каналында.

Мусин Power International Holding холдингі ірі халықаралық ойыншы ретінде Қазақстанның телекоммуникация саласын жаңа деңгейге көтеретініне сенімді.

"Осындай нағыз бәсекелестік жағдайында операторларға бағаны төмендетіп қана қоймай, сапалы қызмет көрсетуіне тура келмек. Мұндай ашықтық тәсілі нарықта инновацияларға жол ашып, тұтынушылық тәжірибесін жақсартатынын басқа елдерден көруге болады. Біз ашық және бәсекеге қабілетті нарыққа бет алдық, бұдан тұтынушылар мен бизнестің ұтары көп екені сөзсіз".Бағдат Мусин

Посмотреть эту публикацию в Instagram

Публикация от Bagdat Mussin (@bagdatmussin)