Жетісу облысында ТЖМ қызметкерлері қар құрсауынан бір адамды құтқарды

Бүгін, 14 қаңтарда Алакөл ауданында Үшарал-Достық тасжолында жеңіл көлік қар құрсауында қалып қойды, деп хабарлайды Zakon.kz.

Құтқарушылар "Трэкол" жол талғамайтын көлігімен жолға шығып, қар құрсауында қалған көлікті тауып, ішінде отырған жүргізушіні Достық станциясына жеткізді.

Ол медициналық көмекке мұқтаж болмады.

Сондай-ақ, құтқарушылар қосымша жабық учаскені аралап шықты.