Қазақстанда 1300-ден астам «резеңке пәтер» табылды

Еліміз бойынша 1 348 резеңке пәтер анықталды, онда 36 мыңға жуық адам тіркелген, деп хабарлайды Zakon.kz.

ҚР ІІМ Көші-қон қызметі комитетінің төрағасы, полиция полковнигі Аслан Аталықовтың айтуынша, Қазақстан азаматтары мен шетелдіктерді жалған тіркеудің ең көп саны Республикалық маңызы бар үш қалада анықталды.

"Тіркеусіз тұрғаны үшін 200 мыңнан астам адам әкімшілік жауапкершілікке тартылды. Қабылданған шаралардың арқасында "резеңке" пәтерлер саны азайып келеді", — деді спикер ОКҚ алаңында өткен баспасөз конференциясында.

Бұл ретте ІІМ өкілі пәтерлерде жалған тіркеудің заңсыздығына назар аударды – бұл үшін әкімшілік және қылмыстық жауапкершілік көзделген.

Бұған дейін Қарағанды облысы Бұқар жырау ауданына қарасты ауылдардың бірінде полиция қызметкерлері жүргізген іс-шаралар барысында Қазақстан аумағында заңсыз жүрген 7 көрші мемлекеттің азаматы анықталғаны хабарланды.