Алматы облысында барымташылар ұсталды

Арнайы ұйымдастырылған іс-шара барысында Алматы облысының полицейлері барымташыларды ұстады, деп хабарлайды Zakon.kz.

"Криминалдық полиция қызметкерлері Жамбыл ауданының аумағында екі күдіктіні ұстау бойынша жұмыстар жүргізді. Қазір олардың үш мал ұрлығына қатысы анықталды", – деп хабарлады облыстық криминалдық полиция басқармасы.

Барымташылар ұрлық кезінде бір схема бойынша әрекет жасаған:

• қараусыз мал жайылатын жерлерді таңдайды;
• малды сол жерде сойып, етін көліктің жүксалғышына тиеп алады.

"Күдіктілер уақытша ұстау изоляторына қамалды. Олардың басқа да осыған ұқсас қылмыстарға қатысының бар-жоғы тексеріліп, барлық қажетті тергеу әрекеттері жүргізілуде", делінген полиция хабарламасында.