Қазақстан нарығындағы СДЭК: мәдени ерекшеліктерге қалай бейімделуге болады

СДЭК – Ресейдегі жетекші логистикалық компаниялардың бірі, әрі өз қызметін шетелде белсенді түрде кеңейтіп жатқан танымал халықаралық бренд. Ол соңғы үш жарым жылда шамамен тоғыз есе өсіп, 40-тан астам елде өз қызметтерін ұсынып, нарықта тұрақты орынға ие болды.

Компания жеткізу жылдамдығы мен қызмет көрсету деңгейі бойынша көшбасшылардың бірі атанды.

Компания қызметтері жақсы дамыған елдердің бірі — Қазақстан, мұнда 11 жылдан астам уақыттан бері табысты жұмыс істеп келеді. Мұның бірден-бір құпиясы СДЭК-тің жергілікті нарық ерекшеліктеріне оңай бейімделуі.

Қазақстан нарығының ерекшеліктері

Жаңа нарыққа шығудың өзіндік талаптары бар. Әсіресе, жергілікті мәдени және нарықтық ерекшеліктерді назарда ұстау қажет. Дегенмен, компания келесі қиындықтарға қарамастан, өз қызметтерін айтарлықтай дамыта алды.

• Менталитет айырмашылығы. Мұны тұтынушылармен қарым-қатынас кезінде ескеру қажет.
• Қызмет ерекшелігі. Қазақстанда экспресс-жеткізу және есікке дейін жеткізу қызметтері дамыған, сондай-ақ ТБП (тапсырыстарды беру пункті) қызметіне де сұраныс біртіндеп артып келеді.
• Шекарааралық жөнелтілімдер. СДЭК трафигінің шамамен 40 пайызы Ресей мен Қырғызстанға жөнелтілетін сәлемдемелерден тұрады, бұл жеткізуді ұйымдастыруда ерекше тәсілді талап етеді.

Қазақстанда табысты жұмыс істеу үшін СДЭК басшылығы елдің ерекшеліктерін ескере отырып, өз бизнес-әдісін нарыққа бейімдеді:

• Ұлттық тілді енгізді: СДЭК-тің барлық қызметтері жергілікті клиенттерге түсінікті әрі жақын болу үшін қазақ тіліне аударылды.
• Жеткізу мерзімдерін қысқартты.
• Қызметкерлерін оқытты.
• Тарифтерді өзгертті.

СДЭК-ті бәсекелестерден ерекшелейтін факторлар

Қазақстан нарығындағы СДЭК-тің негізгі бәсекелестері — "Қазпошта", Emex секілді жергілікті және өзге халықаралық компаниялар. "СДЭК Қазақстан" директоры Петр Петров СДЭК-ті өзгелерден ерекшелейтін бірнеше факторларды атап өтті:

• Жеткізу жылдамдығы. Қазақстандағы СДЭК қоймасынан клиенттің есігіне дейінгі сәлемдемелерді қабылдау және жеткізу қызметі компанияның толық бақылауында болады. Жеткізу уақытының жоғары жылдамдығы – жеті күннен бастап – компанияның өзіндік логистикасының арқасында қамтамасыз етіледі.
• ТБП-ның кең желісі. СДЭК-тің тапсырыстарды беру пункттері клиенттердің қажеттіліктері мен ыңғайына қарай орналастырылған, бұл сәлемдемелерді алу процесін барынша ыңғайлы етеді.
• Сапалы қызмет көрсету. Клиенттермен тығыз байланыс компанияға олардың нақты қажеттіліктерін түсінуге және ең қолайлы қызметтерді ұсынуға мүмкіндік береді. Жақын арада СДЭК қызметін одан әрі ыңғайлы ету үшін "бір рет басу арқылы жеткізу" және "next day" (келесі күні жеткізу) сияқты жаңа өзгерістерді іске қосуды жоспарлап отыр.

СДЭК – бұл тек халықаралық корпорация ғана емес, сонымен қатар Қазақстанның қажеттіліктері, менталитеті мен мәдени ерекшеліктерін ескеретін компания екенін көрсету мақсатында қазақстандық суретші Әйгерім Кәрібаевамен бірлескен жобаны іске қосты. Осы арқылы қазақ халқының бай мәдениетін танытатын көрнекі бейнелерді жасап шықты.

Әйгерім өз жұмысында қазақ ертегілерінің метафораларын және мәдениеттің белгілері болып табылатын дәстүрлі ою-өрнектерді қолданды. Иллюстрацияларда қазақтың ұлттық киіміндегі батыр жігіт пен қыз, жылқылар мен киіз үйлер сияқты қазақтың көркемдік болмысын көрсететін бейнелер де бар.

"Біз үшін СДЭК бренді еліміздің кез келген қаласының тұрғындарына таныс әрі жақын болуы маңызды. Осы арнайы жоба аясында біз онлайн және офлайн жарнаманың барлық мүмкіндіктерін пайдаланып, тіпті автокөліктерді брендтік жапсырмалармен безендірдік. Мұның бәрі СДЭК компаниясы жергілікті халықтың дәстүрі мен салтына құрметпен қарайтынын айқын көрсету үшін жасалды", — деп түсіндірді халықаралық маркетинг бөлімінің жетекшісі Евгения Пегусова.

СДЭК компаниясы Қазақстан нарығына бейімделуді және дамуды жалғастырып, клиенттерге сапалы қызмет көрсетіп, елдегі логистика саласының көшбасшыларының бірі болып қалуды көздейді.

Серіктес материалы