«Қар аралас жаңбыр жауады». Еліміз бойынша 15 қарашаға арналған ауа райы болжамы

"Қазгидромет" РМК Қазақстан аумағы бойынша 2026 жылғы 15 қарашаға арналған ауа райының жалпы болжамын жариялады, деп хабарлайды Zakon.kz.

Жексенбіде "Қазгидромет" болжамы бойынша, Қазақстанның барлық дерлік аумағында жаңбыр мен қар түрінде жауын-шашын болады деп күтіледі. Тек оңтүстік өңірлерде ғана жауын-шашынсыз ауа райы сақталады.

Сондай-ақ республикамыз бойынша белең алатын ортақ табиғи құбылысқа тұманның түсуі, көктайғақтың болуы және желдің екпін алуы жатқызылады.

Қызылорда облысының оңтүстік-батысы мен солтүстігінде, Алматы облысының солтүстігі мен шығысында, сондай-ақ Жетісу облысының оңтүстік-шығысында өрт қаупі жоғары болады деп күтіледі.

Бұған дейін синоптиктер Алматы қаласында алдағы аптада ауа райы қандай болатынын айтып, өз болжамдарымен бөліскен болатын.