Еркін күрестен Азия чемпионаты: Азамат Дәулетбеков үшінші орын алды

Еркін күрес шебері Азамат Дәулетбеков Иордания астанасы Амманда өтіп жатқан Азия чемпионатында қола жүлдеге ие болды, деп хабарлайды Zakon.kz.

Қазақстандық балуан 92 келіге дейінгі салмақта Шерзод Пойоновпен өзара мықтыны анықтады. Қола медаль үшін болған белдесуде Азамат Дәулетбеков 1:2 есебімен басым түсті.

Осылайша, Қазақстан құрамасы Азия чемпионатын бес медальмен аяқтады.

Бұған дейін Нұрқожа Қайпанов (74 келіге дейін) бірінші орынға ие болды. Сонымен қатар Ризабек Айтмұхан (97 келіге дейін) және Болат Сақаев (86 келіге дейін) екінші орын алса, Рахат Қалжан (57 келіге дейін) қола медаль иеленген еді.