Швейцарияда 8 жыл бойы «ең күрделі» қол сағаты құрастырылды

Швейцариялық Vacheron Constantin компаниясы тарихтағы ең күрделі қол сағатын шығарды. Олар бір данасын жинауға сегіз жылдарын сарп еткен, деп хабарлайды Zakon.kz.

Компанияның баспасөз қызметі өзінің әлеуметтік желілерінде атап өткендей, сағат ісінде күрделілік стандартты уақыт анықтамасынан тыс кез келген функцияны білдіреді. Мысалы, Григориан күнтізбесі немесе айдың фазаларын көрсету.

Сурет: Facebook/vacheronconstantin

Қол сағаттың Швейцариядағы Watches and Wonders көрмесінде ұсынылған жалғыз данасы 1521 жеке компоненттен тұрады.

Сағатта уақытты өлшеудің үш түрлі әдісі бар:

• Дәстүрлі 24 сағаттық күн;
• Сидерикалық уақыт, яғни Жердің өз осі бойынша айналуы, бұл күнтізбелік күннен шамамен төрт минутқа қысқалау;
• Күндік күн, ол Жердің эллиптикалық орбитасын есепке ала отырып түзетіледі.

Сурет: Facebook/vacheronconstantin

Компания бұл сағатты "инновациялар шедеврі" деп атап, оны сегіз жыл бойы жасағанын атап өтті. Сағаттың корпусында 18 караттық ақ алтын пайдаланып, сондай-ақ, 200-ден астам асыл тастар бар, оның ішінде бірнеше сапфирлік диск бар.