Жапонияда жойқын жер сілкінісі тіркелді

Еуропалық-Жерорта теңізі сейсмологиялық орталығы Жапонияның оңтүстік жағалауында 6,2 баллдық жер сілкінісін тіркеді, деп хабарлайды Zakon.kz.

Орталықтың мәліметінше, ошақ 14 км тереңдікте жатыр. Эпицентрі Ничинан қаласынан оңтүстік-шығысқа қарай 54 км және Мияконодзеден оңтүстік-шығысқа қарай 76 км жерде тіркелген.

Жер асты дүмпулері Астана уақыты бойынша сағат 19:03 шамасында басталды.

Зардап шеккендер мен қирау туралы ақпарат тарамады.

Бұған дейін мьянмалықтардың үйінді астынан құтқару жұмыстарын жалғастыруда екендігі жайлы жазған болатынбыз. Соңғы деректерге сүйенгенде, онда қаза тапқандардың саны 2719-ға дейін өскен. Сондай-ақ, 4521 адам жараланған, 400-ден астам адам хабар-ошарсыз кетті.