Елена Рыбакина WTA турындағы рекордын жаңартты

15:23, 24 наурыз 2023

© Сурет: ktf.kz

Әлемнің жетінші ракеткасы Елена Рыбакина Майамидегі Мастерс турнирінің екінші раундында ресейлік Анна Калинскаяны жеңуінің арқасында Дүниежүзілік Әйелдер теннис қауымдастығы (WTA) деңгейінде жеңісті сериясын тоғыз ойынға жеткізді. Бұл туралы Zakon.kz хабарлайды.

Қазақстанның үздік теннисшісі қатарынан тоғызыншы жеңісіне қол жеткізді. Бұл - оның мансабындағы WTA деңгейіндегі ең ұзақ жеңіліссіз сериясы.

Осыған дейін Елена Рыбакина Турда екі рет жеті матч қатарынан жеңіске жетті.

4 жыл бұрын Рыбакина ITF сериясы бойынша турнирлерде өнер көрсетіп, қатарынан 11 кездесуде жеңіске жеткен.

Ол Майамидегі Мастерс турнирінде қарсыласы испандық Паула Бадосаны жеңсе, жеңісті сериясын бұдан әрі жақсарта алады. Ғаламшардың 29-ракеткасымен кездесу 25 наурызда өтеді.

Оқи отырыңыз

Рыбакина Miami Open турнирінің үшінші айналымына өтті

Футболдан Қазақстан құрамасы Словениядан жеңілді

Ләззат Күнгейбаева бокстан әлем чемпионатының финалына жолдама алды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!