Алматы облысында көпқабатты тұрғын үйден от шығып, өрт сөндірушілер 10 адамды құтқарды

23:09, 16 қыркүйек 2024

© Сурет: видеодан алынды

16 қыркүйекте Қонаев қаласында бес қабатты тұрғын үйдің бірінші қабатындағы пәтер мен балкон өртенді, деп хабарлайды Zakon.kz.

ҚР ТЖМ баспасөз қызметінің хабарлауынша, бір уақытта от екінші қабаттағы балконға ұласып, 30 шаршы метр алаңды қамтыған.

"Оқиға орнына келген өрт сөндірушілер түтін аймағынан автосатының және үш сатылы баспалдақтың көмегімен 10 тұрғынды құтқарды, оның алтауы- балалар. Өрт сөндірілді. Өрттің шығу себебі анықталуда", делінген хабарламада.

ТЖМ азаматтардан өрт қауіпсіздігі ережелерін сақтауды сұрайды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!