Димаш Құдайберген Си Цзиньпинмен бірге түскен суретін жариялады

Бүгін, 2024 жылдың 4 шілдесінде Қазақстандық әнші Димаш Құдайберген Қытай Төреағасымен кездесуден түскен суретті жариялап, Астанада маңызды қонақтардың алдында өнер көрсеткені туралы айтты, деп хабарлайды Zakon.kz.

Бұл туралы әнші өзінің Instagram парақшасында жариялады.

"Достар! Кеше мен көршілес елдер – Қытай мен Қазақстан басшыларының алдында өнер көрсеттім. Аспан асты елінің әрбір тұрғыны үшін маңызды болып табылатын "Жасмин гүлі" әнін қытай тілінде орындадым. Си Цзиньпин мырзаға менің шығармашылығыма әрдайым ықылас білдіріп, құрметпен қарайтыны үшін алғыс айтамын". Димаш Құдайберген

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Комментаторлар құттықтауларын жаудырды:

• Біз сені мақтан тұтамыз, Димаш!
• Жарайсың, Димаш! Алға Қазақстан!
• Қос қолдап қазақша амандасып тұрған түрінен!
• Өте қуаныштымыз,Димашжан! Ел мен елдің арасында алтын көпір,дәнекер болып жүрген Алтын баламыз жасасын!!!
• Қазақстан мен Қытай арасын байланыстыра білетін алтын көпір болуыңызға тілекшіміз!

Естеріңізге сала кетейік, ҚХР Төрағасы Си Цзиньпин Астанаға мемлекеттік сапармен 2024 жылдың 2 шілдесінде келген болатын. Оны әуежайда Қасым-Жомарт Тоқаев салтанатты түрде қарсы алды.