«Жаңбыр жауып, жел тұрады». Алматы бойынша алдағы бір аптаға арналған ауа райы болжамы

Оңтүстік астанада тұрақсыз ауа райы күтіледі. Синоптиктер алдағы жеті күн бойы найзағай ойнап жаңбыр жауады, қатты жел тұрады деп болжайды. Тек аптаның соңына қарай жауын-шашын кілт тоқтайды, деп хабарлайды Zakon.kz.

"Қазгидромет" РМК-ның Алматы қаласы және Алматы облысы бойынша филиалының жетекші инженер-синоптигі Дәулет Қисебаевтың айтуынша, қалада найзағай ойнап, жаңбыр жауады, екпінді жел тұрады. Жауын-шашын келесі аптаның соңында басылады.

Алматы қаласы бойынша 2024 жылғы 6-12 шілдеге арналған ауа райы болжамы:

6 шілде: аспан бұлтты, күндіз аздап жаңбыр жауады. Аракідік найзағай ойнайды. Солтүстік-батыстан соққан желдің екпіні - 3-8 м/с, найзағай кезіндегі екпіні - 18 м/с. Ауа температурасы түнде: +17...+19°C, күндіз: +27...+29°C.

7 шілде: аспан бұлтты, таңертең және түстен кейін аздап жаңбыр жауады, найзағай ойнайды. Солтүстік-шығыстан соққан желдің екпіні - 3-8 м/с, найзағай кезіндегі екпіні - 15 м/с. Ауа температурасы түнде: +18...+20°C, күндіз: +28...+30°C.

8 шілде: аспан бұлтты, күндіз аздап жаңбыр жауады, найзағай ойнайды. Шығыстан соққан желдің екпіні - 3-8 м/с, найзағай кезіндегі екпіні - 13 м/с. Ауа температурасы түнде: +18...+20°C, күндіз: +26...+28°C.

9 шілде: аспан бұлтты, аздап жаңбыр жауады, найзағай ойнайды. Оңтүстік-шығыстан соққан желдің екпіні - 3-8 м/с, найзағай кезіндегі екпіні - 15 м/с. Ауа температурасы түнде: +16...+18°C, күндіз: +28...+30°C.

10 шілде: аспан бұлтты, күндіз аздап жаңбыр жауады, найзағай ойнайды. Оңтүстік-батысқа оңтүстік-шығыстан ойыса соққан желдің екпіні - 3-8 м/с, найзағай кезіндегі екпіні - 13 м/с. Ауа температурасы түнде: +18...+20°C, күндіз: +30...+32°C.

11 шілде: аспан бұлтты, күн райы жауын-шашынсыз. Ауа температурасы түнде: +18...+20°C, күндіз: +30...+32°C.

12 шілде: аспан бұлтты, күн райы жауын-шашынсыз. Ауа температурасы түнде : +20...+22°C, күндіз: +30...+32°C.