«Бөтеннің атына тіркелген онлайн-несие». Қостанайда алаяқтық ісі бойынша тергеу жүріп жатыр

Қостанай облысының Федоров ауданында онлайн-кредитке қатысты алаяқтық дерегі бойынша іс тергеліп жатыр. Жәбірленуші 1,5 миллион теңгеден астам қаражатынан қағылған, деп хабарлайды Zakon.kz.

Алдын ала мәліметтер бойынша, Первомайское ауылының 37 жастағы тұрғыны алаяқтық жолмен өз ауылдасының (43 жастағы) атына банктен онлайн-кредит рәсімдеген. Келтірілген шығын сомасы 1 562 500 теңгені құрады.

Жедел-іздестіру шаралары барысында полицейлер күдіктіні анықтады.

Қазіргі уақытта тергеу әрекеттері жалғасуда. Құқық қорғау органдары болған оқиғаның барлық мән-жайын анықтап жатыр.

Полиция азаматтарды қаржылық қауіпсіздік шараларын сақтауға және өзінің қатысуынсыз несиелердің рәсімделуіне әкеліп соқтыруы мүмкін әрекеттерге жол бермеуге шақырады.

Бұған дейін "ауқатты отбасыға асыраушысынан айырылған жағдайда төлемақы тағайындалады ма" деген сұрақтың жауабы жарияланған болатын.