«Бөтен нөмірден WhatsApp арқылы шыққан». Оңтүстікте коллекторлар қатаң жазаланды

18:56, 26 тамыз 2026

MKZ: 1563608

© Сурет: pexels

Таразда коллекторлық агенттік қарызды өндіріп алу ережелерін бұзғаны үшін әкімшілік жауапкершілікке тартылды. Сот талқысына жергілікті тұрғынның Қаржы нарығын реттеу және дамыту агенттігіне жүгінуі түрткі болған, деп хабарлайды Zakon.kz.

Тексеру барысында анықталғандай, ЖШС қызметкерлері коллекторлық агенттікке тіркелмеген абоненттік нөмірлерден WhatsApp мессенджері арқылы арыз берушімен және үшінші тұлғамен байланысқан.

"Коллекторлық қызмет туралы" Заңына сәйкес, коллекторлық агенттіктің борышкермен, оның өкілімен және үшінші тұлғамен бөтен нөмірмен байланысқа шығуы тікелей заңды бұзу болып табылады.

"ЖШС-нің кінәсі хаттамалармен, тараптардың айғақтарымен және істің басқа материалдарымен дәлелденді. ЖШС-нің өкілі кінәсін мойындап, өкініп, айыппұл сомасын азайтуды сұрады", делінген сот хабарламасында.

Аталған баптың санкциялары бойынша шағын кәсіпкерлік субъектілеріне 100 және 200 АЕК мөлшерінде айыппұл салу көзделеді. Алайда кінәні мойындауды, өкінуді, бұрын жасалған құқық бұзушылықтардың жоқтығын ескере отырып, сот айыппұл мөлшерін 30%-ға азайтты.

Бірінші іс бойынша ЖШС-ке 605 мың, ал екінші іс бойынша 302 мың теңге көлемінде айыппұл салынды. Қаулылар заңды күшіне енген жоқ.

Бұған дейін Астанада жазда жеңіл жолмен ақша тапқысы келген қос студент 7 жылға сотталғанын жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!