Байденнің одақтастары алдағы сайлауда оның жеңіске жететініне күмәнмен қарайды

АҚШ президенті Джо Байденнің одақтастары, сондай-ақ оның штабының қызметкерлері қарашада өтетін Президенттік сайлауда оның жеңіске жететініне сенім білдірмейді, деп хабарлайды Zakon.kz.

The Washington Post ақпаратынша, қоғам белсенділері, саясаткерлер Байденді "демократия мен ұлттың болашағы үшін" сайлаудан бас тартуға шақырды. Осы сынды қол қойылған құжаттар Ақ үйге күнделікті келіп түсуде.

Алайда, 81 жастағы Президент өзінің жеңіске жететініне кәміл сенімді.

Бұдан бөлек, америкалық актер, демократияшыл белсенді Джордж Клуни де Байденді сайлаудан бас тартуға көндіруде. Ол бұл туралы New York Times баспасына берген мақаласында айтты.

"Үш апта бұрын Джо Байденмен кездестім және ол 2010 жылғы, тіпті 2020 жылғы Байденге ұқсамайды. Бар мәселе жасы келгендігінде, басқа ештеңе де емес".Джордж Клуни

Айта кетейік, 27 маусымда өткен теледебаттың жеңімпазы ретінде көрермендер, Трампқа 67% дауыс берсе, Байден 33%-дық дауыс жинады.

Теледебаттың екінші кезеңі 10 қыркүйекте ABC-де жоспарланған.

Сондай-ақ, АҚШ президентінің 60-шы сайлауы 2024 жылдың 5 қарашасына жоспарланған.