Автобустағы жанжал. Әйелді ұрған 61 жастағы қостанайлық ұсталды

Қостанайдың қала ішілік автобустарының бірінде жанжал болып, оның барысында ер адам әйелге соққы жасайды. Зардап шеккен адамды қорғауға тырысқан өзге жолаушылар жанжалға килігуге мәжбүр болды, деп хабарлайды Zakon.kz.

Полиция қызметкерлері базбұзардың жеке басын анықтап, 61 жастағы жергілікті тұрғынды ұстады.

"Ер адамға қатысты полиция қоғамға деген құрметсіздік білдіретін және зорлық-зомбылыққа әкеп соққан бұзақылық фактісі бойынша сотқа дейінгі тергеп-тексеру жүргізілуде", делінген полиция хабарламасында.

Бұған дейін Ақтөбеде қорқытып-үркіту арқылы ақша бопсалаумен айналысқан жастар ұсталғаны хабарланған.