Атырауда әйеліне пышақпен шабуыл жасаған күдікті ұсталды

Полицейлер Атырауда көпқабатты үйдің кіреберісінде азаматтық некедегі әйеліне пышақпен шабуыл жасаған күдіктіні ұстады, деп хабарлайды Zakon.kz.

"Жүргізілген кешенді іс-шаралар мен жедел іздестіру іс-шараларының нәтижесінде 9 маусымда Атырау облыстық полиция департаментінің қызметкерлері қала үйлерінің бірінің кіреберісінде 1991 жылы туған әйелді өлтірмек болған 1995 жылы туған күдіктіні анықтап, Ақтау қаласында ұстады". Атырау ПД баспасөз қызметі

Күдіктіге қатысты сотқа дейінгі тергеу амалдары жүргізілуде. Басқа мәліметтер тергеу мүддесі үшін жария етілмейді.

Посмотреть эту публикацию в Instagram

Публикация от Атырау Облысы Полиция Департаменті (@police.atyrau)

Шабуылдың видеосы әлеуметтік желілерде пайда болды. Кадрларда әйелдің пәтерінен шығып, есікті жауып, баспалдақпен түсіп бара жатқанын көруге болады. Осы кезде баспалдақ астынан ер адам пайда болып, оған бірнеше пышақ жарақатын салады. Содан әйелді қалдырып, қашып кетеді.

Қазір жәбірленуші жансақтау бөлімінде жатыр.