Ат тепкен пони. Желідегі видеоға қатысты полиция түсініктеме берді
© Сурет: pixabay
Желіде қатыгездікке ұшыраған жануар - понидің видеосы тарады, деп хабарлайды Zakon.kz.
Видеодан ат үстіндегі ер адамның автомобильдер мен қоғамдық көліктер арасымен кетіп бара жатқанын әрі мойнындағы жібінен ұстап, қасына пониді ертіп алғанын көруге болады. Бұл арада ертіп барады дегеннен гөрі, сүйреп бара жатыр деген дұрысырақ секілді. Өйткені жіптің қысқалығынан пони жылқымен сүйкене жүруге мәжбүр. Ал бұл жылқыға тым ұнап тұрған жоқ, сондықтан арасында ат пониды аямай қайта-қайта тебеді.
Видео авторының айтуынша, бұл - Алматыдағы орталық саябақта балаларды қыдыртатын жылқылар.
Аталған оқиғаға қатысты Zakon.kz редакциясына қалалық полиция департаменті түсініктеме берді.
"Бұл факт әлеуметтік желілерді мониторингілеу барысында анықталды. Тексеру жүргізілді, нәтижесінде аталған іс-әрекеттің Мақатаев пен Жетісу көшелерінің қиылысында орын алғаны анықталды. Құқық бұзушы ҚР ӘҚБтК-нің 614-бабы және 407-1-бабы бойынша жауапқа тартылды", - деді полициядағылар.
Сондай-ақ, ер адаммен жануарларға жауапкершілікпен және ұқыпты қарау жөнінде профилактикалық әңгіме жүргізілгені нақтыланады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
10:16, 17 қыркүйек 2024
Ұлытау облысында той күні қалыңдық жол апатына ұшырап, мобилограф қаза тапты
-
10:07, 17 қыркүйек 2024
Құлжа трактін реконструкциялау аяқталды: жаңа асфальт және әр бағытта 3 жолақ
-
09:54, 17 қыркүйек 2024
«Барыс» ХК ойыншылары 3 млрд теңгеден астам жалақы алады
-
09:49, 17 қыркүйек 2024
Алматыда Бұқар жырау желекжолында бір тәулікке көлік қозғалысын шектемекші
-
09:36, 17 қыркүйек 2024
Жапондық Токиодағы барлық метро станцияларын жүріп өтіп, рекорд орнатты