Астанадан Германияға қатынайтын рейстің ұшу уақытына өзгеріс енгізілді

14 маусымда Астана уақыты бойынша сағат 13:20-ға жоспарланған Астана-Франкфурт бағытына қатынайтын KC921 рейсінің ұшу уақыты техникалық себеппен және түнде Франкфурт әуежайының жабылатындығына байланысты 15 маусымға сағат 04:00-ге ауыстырылды, деп хабарлайды Zakon.kz.

Air Astana әуекомпаниясының баспасөз қызметі Франкфурт-Астана бағыты бойынша кері қатынайтын КС922 рейсінің де ұшу уақытыКС921 рейсінің кешігуіне байланысты ертеңге ауыстырылғанын айтты.

"Астанадағы жолаушыларға жеңіл тамақ пен сусындар ұсынылды. Қазіргі уақытта әуе компанияның жердегі қызметі жолаушыларды қонақ үйге орналастыру мәселелерімен айналысуда. Компания келтірілген қолайсыздықтар үшін кешірім сұрайды", делінген хабарламада.