Астанадан Антальяға жаңа рейс пайда болды

Mavi Gök Aviation Анталия-Астана-Анталия жаңа рейсін ашты, деп хабарлайды Zakon.kz.

"Астана" халықаралық әуежайы баспасөз қызметінің хабарлауынша, алғашқы рейс бүгін түнде Boeing 737-800 ұшағында орындалды және ол 5,5 сағатқа созылды. Ұшақты дәстүр бойынша "су аркасымен" қарсы алды.

Бұдан былай Қазақстанның астанасы мен Түркияның Жерорта теңізіндегі курорты арасында аптасына екі рет – сәрсенбі және жексенбі күндері тікелей әуе қатынасы жүзеге асырылатын болады.

Boeing 737-800 ұшағы 189 орынға арналған.

Әуекомпания биылғы шілдеден бастап ұшақты 300-ден астам жолаушы орыны бар Boeing 777-300ER-ге ауыстыруды жоспарлап отыр.

Посмотреть эту публикацию в Instagram

Публикация от ASTANA INTERNATIONAL AIRPORT (@nqz_airport)