Астанада өтетін Backstreet Boys тобының концертіне билеттер 15 шілдеден бастап сатылады

Everybody хитін орындаған бойзбенд алғаш рет 19 қыркүйекте Алматыда, 21 қыркүйекте Астанада өнер көрсетеді, деп хабарлайды Zakon.kz.

Топтың келуі туралы хабарландыру 2025 жылдың 8 шілдесінде жарияланды. Ал бүгін, 10 шілдеде Қазақстан астанасында билет сатылымының басталатын күні белгілі болды.

Астана концерт хабарлағандай, билеттерді сату Ticketon.kz сайтында 15 шілдеде басталады. Қазақстандықтар билеттерді 10 төлем әдісімен, соның ішінде бөліп төлеу арқылы сатып ала алатыны белгілі.

Посмотреть эту публикацию в Instagram

Публикация от Freedom Ticketon (@ticketonkz)

Ұйымдастырушылар әзірге Алматыдағы концерт туралы үндемей отыр.

Backstreet Boys — 1993 жылы 20 сәуірде құрылған американдық музыкалық топ. 1996 жылы өзінің жеке дебюттік альбомынан бастап, топ өзінің жазбаларының шамамен 130 миллион данасын сатты.

Бұған дейін 2025 жылдың сәуір айында қазақстандық кәсіпкер Динара Сәтжанның шаңырақ көтергенін хабарлаған болатынбыз. Үйленгеннен кейін бірнеше ай өткен соң блогер осы маңызды оқиғадан кейін өмірінде не өзгергенін көрермендермен бөлісті.