Астанада LRT-ның мектептік және жеңілдік санатындағы көлік карталарын қайдан алуға болады

Бүгін, 2026 жылғы 13 маусымда "City Transportation Systems" ЖШС (CTS) баспасөз қызметі Астана тұрғындары мен қонақтарына пайдалы ақпаратпен бөлісті. Бұл арада LRT-ның мектептік және жеңілдік санатындағы көлік карталарына қатысты сөз болып отыр, деп хабарлайды Zakon.kz.

LRT атаулы мектептік және жеңілдік санатындағы көлік картасын рәсімдеу:

• LRT барлық стансаларында – карта бірден беріледі;
• онлайн Transcard.kz сайты арқылы – карта Р. Қошқарбаев даңғылы, 50/1 мекенжайындағы Орталық кассадан беріледі.

LRT атаулы көлік карталарын мыналар рәсімдей алады:

1. елорданың білім беру ұйымдарының 7 жастан 18 жасқа дейінгі оқушылары;
2. Астана қаласында тіркелген және тұрақты тұратын, Астана қаласы мәслихаты бекіткен жеңілдік санаттарына жататын азаматтар.

Атаулы картаны рәсімдеу үшін келесі құжаттар қажет:

• туу туралы куәлік/жеке куәлік;
• оқу орнынан анықтама/жеңілдікті растайтын құжат;
• 3×4 фото немесе касса қызметкері орнында фотоға түсіре алады.

Жеңілдік санаттарына жататын "Қамқоршы", "Заңды өкіл", "Көпбалалы аналар" және "Көпбалалы отбасы" санатындағы азаматтардың зейнетақы куәлігінде жеңілдіктің әрекет ету мерзімі көрсетілген, Астана қаласы бойынша әлеуметтік төлемдерді есептеу жөніндегі ведомствоаралық орталықтың, "Азаматтарға арналған үкімет" мемлекеттік корпорациясы" коммерциялық емес акционерлік қоғамының мөрімен расталған өзекті жазба болуы тиіс.

Қала және қала маңы бағдарларында жүруге арналған атаулы көлік карталары тек Орталық кассада беріледі.