Астанада Франциядан табылған тарихи құнды қолжазбаның көшірмесі басып шығарылды
© Сурет: ҚР Мәдениет және ақпарат министрлігінің баспасөз қызметі
Қолжазбалар және сирек кітаптар ұлттық орталығы "Архив 2025" бағдарламасы аясында Франциядан табылған Қазақстан тарихына қатысты құнды қолжазбаның көшірмесін жариялады, деп хабарлайды Zakon.kz.
ҚР Мәдениет және ақпарат министрлігінің баспасөз қызметінің хабарлауынша, Франция Ұлттық кітапханасында сақталған "Таңдамалы шежірелер" тарихи шығармасы хижраның 816 жыл, яғни 1413 жылы Ширазда жазылған. Яғни, бұл шығарма XV ғасырға тән. Парсы тілінде араб жазуымен жазылған кітап 15 тақырып бойынша 15 тараудан тұрады.
"Кітап 413 бетті құрайды. Атап айтқанда, кітапта Ақ Ордаға толық сипаттама беріліп, Ақ Орда хандарының билігінің толық хронологиясы қамтылған. Сондай-ақ, Ақ Орда билеушілерінің аты-жөні, әкелері мен шешелерінің аты-жөні және жерленген жерлері туралы құнды кесте берілген. Кітапта Алтын Орданың Көк және Ақ Ордаларға ыдырау кезеңі сипатталған. Сонымен қатар, Сығанақта Ақ Орданың 10 билеушісі жерленгені туралы да айтылады", делінген хабарламада.
Муин ад Дин Натанзи XIV ғасырдың екінші жартысында Исфахан маңындағы Натанз ауылында (Иранда) дүниеге келген. Давлатшах Самарқандидің «Тазкират аш-шуаро» («Ақындардың өмірбаяны») шығармасына сәйкес, XV ғасырдың басында Муин ад Дин Натанзи Ширазда Мырза Искандер (Әмір Темірдің немересі) сарайында тұрды және Хайдар Хорезми, Хафиз Хорезми және т. б. сияқты ақындардың замандасы болған.
Сурет: ҚР Мәдениет және ақпарат министрлігінің баспасөз қызметі
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:35, 19 қыркүйек 2024
Президент күштік құрылым басшыларының жаңадан тағайындалған орынбасарларын қабылдады
-
17:29, 19 қыркүйек 2024
Полицейлер WhatsApp-тағы алаяқтарды қалай тануға болатынын айтты
-
17:16, 19 қыркүйек 2024
Павлодарда студент педагогқа пышақ жұмсады
-
16:43, 19 қыркүйек 2024
Қасым-Жомарт Тоқаевқа еліміздегі криминогендік ахуал жайында мәлімет берілді
-
16:37, 19 қыркүйек 2024
Атырауда мал азығын дайындау жұмыстары аяқталып қалды