«Астана» Конференция лигасының топтық кезеңіндегі ойында «Динамодан» жеңіліп қалды

00:29, 1 желтоқсан 2023
88

© Сурет: instagram.com/fca.astana

"Астана" Конференция лигасының топтық кезеңіндегі ойында өз алаңында Загребтің "Динамосын" қабылдады, деп хабарлайды Zakon.kz.

Кездесуді елордалық команда футболшылары белсенді бастады. Дегенмен олардың тарапынан көп қателік болды.

Елордалық команда плей-офф сатысына өту үшін осы кездесуде жеңіске жетуге тиіс еді.

Ойынның 12-минутында хорватиялық команда қақпасына белгіленген пенальтиден Дембо Дарбо мүлт кетті.

Бірінші кезеңде таблодағы есепке өзгеріс енген жоқ.

Екінші кезеңді «Астана» футболшылары белсенді бастаған еді.

Соған қарамастан 48-минутта хорватиялық командадан Габриэль Видович мергендік танытса, Такуро Канеко 79-минутта қорытынды есепті белгіледі.

Осылайша «Астана» қарсыласына 0:2 есебімен жеңіліп қалды.

«Астана» мен «Динамо Загреб» бұған дейін бес мәрте шеберлік байқасты. Бәрінде хорватиялық клуб басым түсті.

Қазірге дейін астаналық клуб сырт алаңда «Динамо Загребке» 1:5, өз алаңында «Виктория Пльзеньге» 1:2 есебімен жеңілді.

"Астана" 15 желтоқсанда сырт алаңда чехиялық "Викториямен" кездеседі.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!