Армения мен Әзербайжан Гаага сотына шағымданды

Армения Әзербайжаннан Таулы Қарабақтағы дәлізді ашуды талап ету үшін БҰҰ-ның халықаралық сотына жүгінді. Әзербайжан қарсы шағым түсірді, деп хабарлайды Zakon.kz.

Армения ел мен Таулы Қарабақты байланыстыратын жалғыз жол – Лачин дәлізінің ашылуына қол жеткізу үшін Гаага сотына шағымданды, деп жазды DW.

"Медициналық қызметке қолжетімділіктің жоқтығынан қазірдің өзінде бір адам қайтыс болды, басқа дамдардың да тағдыры осындай болуы мүмкін. Дүкен сөрелері бос, тұрғындарға азық-түлік жетпейді. Сауда мен бизнес тоқтап тұр, газ бен электр қуаты тұрақты түрде өшіріледі", – делінген Армения өкілі Егише Киракосянның 30 қаңтардағы мәлімдемесінде.

Әзербайжан өз кезегінде Халықаралық сотқа қарсы шағым түсірді. Баку Ереванды қару-жарақ пен миналарды Лачин дәлізі арқылы жеткізеді деп айыптап отыр. Сот Әзербайжанның арызын бөлек рәсім аясында қарайды.