Алматыдағы тұрғын үй кешенінің тұрғындары бір тәулікке жарық пен сусыз қалды

Алматыда Наурызбай ауданындағы тұрғын үй кешендерінің бірінің тұрғындары бір күнін өркениет игілігін көрмей өткізді, деп хабарлайды Zakon.kz.

Әңгіме Alma City тұрғын үй кешені туралы болып отыр. 2025 жылдың 22 маусымында кешен тұрғындары әлеуметтік желіде таңертеңнен бері су да, жарық та жоқ деп хабарлаған. Кешке қарай ашынған тұрғындар жағдайға наразылықтарын білдіру үшін далаға шықты.

Наурызбай ауданы әкімдігінің хабарлауынша, адамдар түстен кейін байланыссыз қалған.

"2025 жылғы 22 маусымда сағат 13:30-да Алматы қаласы, Наурызбай ауданы, "Алма-Сити Е5" тұрғын үй кешені, Алтын Орда көшесі мекенжайында "KZ Recycling" ЖШС картон зауытына кәріз құбырын төсеу жұмыстарын жүргізу кезінде мердігер "Глобал Структур" ЖШС 10 кВ электр кабелін зақымдады. РЭС-3 зақымдануды жою және кабельді қалпына келтіру бойынша қалпына келтіру жұмыстарын жүргізді", – деп хабарлады әкімдікте.

Маусымның 22-сі күні кешке қарай электр қуаты толығымен қалпына келтірілді.

Бұған дейін алматылықтарға маусымның 24-і күні аудандардың бірінде судың тоқтатылатыны туралы ескертілген болатын.