Алматыдағы ХҚКО-лардың бірі «Адем» сауда үйіне көшеді

2026 жылғы 12 қазаннан бастап Жетісу ауданының халыққа қызмет көрсету орталығы (ХҚКО) "Адем" сауда үйінде жұмыс істей бастайды, деп хабарлайды Zakon.kz.

Бұл туралы бүгін, 9 қазанда "Азаматтарға арналған үкімет" мемлекеттік корпорациясы" КЕАҚ-тың Алматы қаласы бойынша филиалы мәлімдеді.

"12 қазаннан бастап ХҚКО жаңа мекенжайда жұмыс істейді: Алматы қаласы, Солтүстік айналым көшесі, 3, "Адем" сауда үйі", – делінген ресми хабарламада.

Жұмыс кестесі өзгермейді: дүйсенбіден жұмаға дейін сағат 09:00-ден 18:00-ге дейін. Сенбі және жексенбі – демалыс күндері.

Бірнеше күн бұрын, 6 қазанда жасанды интеллект және цифрлық даму бірінші вице-министрі Ростислав Коняшкин Үкіметте өткен баспасөз конференциясында мемлекеттік қызметтерді онлайн форматқа көшіру аясында ХҚКО-лардың жұмысы қалай өзгеретінін айтып берген еді.