Алматыда жаяу жүргіншілер өткелінде 17 жасар қызды көлік қағып кетті

Алматыда жаяу жүргіншілер өткелінде бойжеткенді қағып кетті. Жол-көлік оқиғасының егжей-тегжейі жайлы қаланың полиция департаменті айтып берді, деп хабарлайды Zakon.kz.

Жол апаты орнынан түсірілген бейнероликті Instagram-дағы Almatinec_live парақшасы жариялады.

Полицияның мәліметінше, жол-көлік оқиғасы Әуезов ауданында 2025 жылдың 24 желтоқсанында сағат 22:00 шамасында болған.

"Chevrolet маркалы автокөліктің жүргізушісі Алтынсарин көшесімен оңтүстік бағытта, Абай даңғылының оңтүстігінде келе жатып, жаяу жүргіншілер өткелінде өтіп бара жатқан 2008 жылғы қызды қағып кетті",- деді Алматы ПД баспасөз қызметі.

Апат салдарынан қыз жарақат алып, қаладағы ауруханалардың біріне жеткізілді.

"Апаттың мән-жайын Әуезов аудандық полиция басқармасының қызметкерлері анықтауда", – деп толықтырды Алматы ПД баспасөз қызметі.

Посмотреть эту публикацию в Instagram

Публикация от АЛМАТИНЕЦ. Таир Жиганбаев (@almatinec_live)

Бұған дейін Қазақстанда 2025 жылы нәрестелерге қандай есімдер жиі берілгенін жазғанбыз.