Алматыда 23 млн теңге ұрлаған гимназияның бас есепшісі сотталды
© Сурет: Zakon.kz
Алматыдағы гимназиялардың бірінің бас есепшісі 23 млн теңгені заңсыз иеленгені үшін сотталды, деп хабарлайды Zakon.kz.
Қылмыстық іс Медеу ауданының №2 аудандық сотында қаралды.
Алматы қалалық соттың баспасөз қызметінің хабарлауынша, 2019-2023 жылдар аралығында Алматы қаласындағы гимназиялардың бірінің бас есепшісі Н. оқу орнының банктік шоттарына қол жеткізе отырып, "Интернет-банкинг" электронды жүйесі арқылы өзінің жеке шотына, сондай-ақ, басқа тұлғаның шоттарына ақшалай қаражатты негізсіз аударып отырған.
Келтірілген материалдық шығынның жалпы сомасы шамамен 23 миллион теңгені құрайды.
Сотта сотталушы Н. өз кінәсін толық мойындап, оған бас бостандығынан айырмайтын жаза тағайындауды сұрады.
"Сот сотталушы Н-ны кінәлі деп танып, өз кінәсін мойындауының, куәгерлердің айғақтарының, маманның қорытындысының негізінде оны 7 жылға бас бостандығынан айырды", делінген сот хабарламасында.
Үкім заңды күшіне енген жоқ.
9 қыркүйекте Ақтөбе облысының Қылмыстық істер жөніндегі мамандандырылған ауданаралық соты қызғаныштан әйелін аса қатыгездікпен өлтірді деп айыпталған ер адамды кінәлі деп тауып, оған 11 жылға бас бостандығынан айыру жазасын тағайындағаны белгілі болды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:15, 17 қыркүйек 2024
Алаяқ науқас балалардың еміне жиналған 32 млн теңгені қалтаға басқан
-
13:50, 17 қыркүйек 2024
Жамбыл облысында ЖКО салдарынан 7 адам тірідей жанып кетті, арасында 2 жасар бала бар
-
13:39, 17 қыркүйек 2024
ҚР Президенті Германияның ғылым-білім қауымдастығын бірқатар бағыттарда ынтымақтастықты нығайтуға шақырды
-
13:28, 17 қыркүйек 2024
Тоқаев: Қазақстан неміс нарығына мұнай экспортын арттыруға әзір
-
13:21, 17 қыркүйек 2024
Орталық Азия мемлекеттері басшылары мен Германия Федералдық канцлерінің бірлескен мәлімдемесі қабылданды