Алматыда бұрынғы судья Светлана Жоламановаға 1 млрд теңгенің алаяқтығы бойынша айып тағылды

2025 жылдың 18 наурызында Алматы прокуратурасы бұрынғы судья Светлана Жолмановаға қатысты қылмыстық іс бойынша тергеудің аяқталғанын хабарлады. Іс сотқа жіберілді, деп хабарлайды Zakon.kz.

Аса ірі көлемдегі алаяқтық жасап айыпталған бұрынғы судья С. Жолмановаға қатысты қылмыстық іс бойынша сотқа дейінгі тергеп-тексеру аяқталды.

"Тергеудің мәліметінше 2021 жылдан 2024 жылға дейінгі кезеңде ол жылжымайтын мүлік сатып алуға және тендерлік жобаларға қатысуға жәрдемдесу сылтауымен, алдау және сенімге қиянат жасау арқылы азаматтардың 1 миллиард теңгеден астам сомадағы ақшалай қаражатын қолды қылған." Алматы қаласының прокуратурасы

Тергеп-тексеру барысында қылмыстық әрекеттің 48 эпизоды анықталып, олар бір іс жүргізуге біріктірілді.

Тергеп-тексеру аяқталғаннан кейін қылмыстық іс Қазақстан Республикасы Қылмыстық кодексінің 190-бабы 4-бөлігінің 2)-тармағы (аса ірі мөлшердегі алаяқтық) бойынша айыптау актісімен мәні бойынша қарау үшін сотқа жолданды.

2021 жылдың 28 сәуірінде Алматы қаласы Медеу аудандық сотының судьясы Светлана Жолманованың алаяқтық жасады деген күдікке ілінгені туралы ақпарат пайда болды. Тінту кезінде одан ірі көлемдегі ақша тәркіленді. Ол "мүдделі тұлғаларға олардың пайдасына сот шешімдерін шығаруға көмектесумен байланысты алаяқтық әрекеттерді жасады" деген күдікке ілінді. 29 сәуірде Қазақстан Республикасы Жоғарғы соты төрағасының өкімімен Светлана Жолманованың өкілеттігі тоқтатылды. 2023 жылы 12 мамырда Қасым-Жомарт Тоқаев Жолманованы жұмыстан шығарғаны белгілі болды.