Алматы полицейлері кафелер мен барларға рейд жасады

Алматының Бостандық ауданында полицияның арнайы операциясы өтті: түнде 20-дан астам ойын-сауық мекемесі тексерілді, деп хабарлайды Zakon.kz.

Өткен демалыс күндері барларда, дәмханаларда, клубтарда тексеру жүргізілді. Мақсат – кальянды қолдану фактілерін анықтау.

"Өткен демалыс күндері барлар, дәмханалар мен клубтар тексерілді. Нәтижесінде 54 жеке және 25 заңды тұлға ҚР ӘҚБтК-нің 441-бабы бойынша жауапкершілікке тартылды. 30-дан астам кальян құрылғысы тәркіленді. Полиция қызметкерлері рейдтік іс-шаралар жоспарын жасау кезінде қала тұрғындарынан түскен хабарламаларды ескеріп, көрсетілген аумақтарда болған заң бұзушылықтарға талдау жүргізді. Жергілікті іс-шаралар тұрақты түрде жүргізілетін болады, әсіресе демалыс және мереке күндері, – деп атап өтті полиция.

Олар рейдтік іс-шаралар жоспарын жасау кезінде құқық қорғау органдары тұрғындардан түскен өтініштерді назарға алып, көрсетілген аумақтардағы заң бұзушылықтарға талдау жүргізгенін атап өтті. Полицейлер мұндай рейдтер, әсіресе, демалыс және мереке күндері заңдылықты сақтау және азаматтардың денсаулығын сақтау мақсатында тұрақты түрде жүргізілетінін баса айтты.

Бұған дейін Алматы полициясы көліктерін дұрыс қоймағаны үшін жүргізушілердің қандай жағдайға тап болатынын анық көрсеткен болатын.