Көкшетауда ер адам жасөспірімді қар төбешігі үшін соққыға жықты

22:54, 28 қаңтар 2025

© Сурет: unsplash

Көкшетау полиция басқармасының қызметкерлері 16 жастағы жасөспірімге дене жарақатын салу фактісі бойынша сотқа дейінгі тергеп-тексерді жүргізіп жатыр. Оқиға туралы хабарлама құқық қорғау органдарына 26 қаңтарда жедел жәрдем фельдшерінен келіп түсті, деп хабарлайды Zakon.kz.

Алдын ала мәліметтер бойынша, жанжал көп қабатты үйдің ауласында болған. Айғақтарға сәйкес, ер адам өзі салған қар төбешігінің бұзылуына наразы болып, жасөспірімнің бетінен ұрған. Салдарынан кәмелетке толмаған бала облыстық ауруханаға жеткізілді.

Полицейлер дереу болған оқиғаның мән-жайын тексеруге кірісті. Келтірілген зиянның ауырлығын анықтайтын сот-медициналық сараптама тағайындалды.

"Полиция департаменті кәмелетке толмағандарға дене күшін қолдануға жол берілмейтінін және жауапкершілікке тартылатынын еске салады. Полицейлер азаматтарды кәмелетке толмағандардың құқықтары мен мүдделерін бұзбауға, бірақ заңда белгіленген тәртіппен мәселелерді шешуге жүгінуге шақырады", - деп хабарлады Ақмола облыстық полиция департаментінің баспасөз қызметі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!