Алматы облысындағы сот ғимаратынан жарылғыш зат табылмады

22:50, 3 ақпан 2023

183

© Cурет: Zakon.kz

3 ақпанда Жетісу облысы соттарының электрон мекенжайына ғимараттарға қойылған жарылғыш заттар туралы хабарлама келіп түскен, деп хабарлайды Zakon.kz.

Мәтінде Алматы облысындағы сот ғимаратына жарылғыш заттар қойылды деп көрсетілген. Соған қарамастан, құрамында қызметтік-іздестіру иттерімен бірге саперлер облыс аумағында орналасқан соттардың барлық ғимаратын тексеріп шықты. Қандай да бір жарылғыш заттар табылған жоқ.

"Хабарламада көрші облыс аталғанын ескере отырып, жиналған материалдар Алматы облысының полиция департаментіне жолданды, және аталған факті бойынша Қылмыстық кодекстің 273-бабы бойынша "Терроризм актісі туралы көрінеу жалған хабарлау" қылмыстық іс қозғалды", - делінген хабарламада.

Ішкі істер министрлігі терроризм актісі туралы жалған ақпарат таратқандарға 5 мың айлық есептік көрсеткішке дейінгі мөлшерде айыппұл не сол мөлшерде түзеу жұмыстары түріндегі жаза, сонымен бірге 5 жылға дейінгі мерзімге шектеу немесе бас бостандығынан айыру жазасы барын ескертті.

Оқи отырыңыз

Қызылорда облысының тұрғындары екі қой ұрлап, оны сойып алған

Түркістандық полицей суға батып бара жатқан адамды құтқарып қалды

Талдықорғанда жасөспірім кәмелетке толмаған баланы зорлап әрі оны видеоға түсірген

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!