Алматы мен Астанада аптап ыстықтың орнына жаңбыр мен найзағай болжанады, ал Шымкентте ауа райы қандай болады

Алдағы үш күнде Астана мен Алматыда аптап ыстықтың орнына жаңбыр мен найзағайлы ауа райы күтіледі. Ал Шымкентте жауын-шашынсыз ауа райы сақталып, ауа температурасы +36°С-қа дейін көтеріледі. Бұл туралы "Қазгидромет" РМК ұсынған 11-13 маусымға арналған ауа райы болжамында айтылды.

Астана қаласы бойынша ауа райы болжамы

• 11 маусым: ауа райы құбылмалы бұлтты. Күндіз жаңбыр жауып, найзағай ойнайды. Оңтүстік-батыстан соққан желдің жылдамдығы 9-14 м/с, күндіз екпіні 15-20 м/с-қа дейін жетеді. Ауа температурасы түнде +13...+15°С, күндіз +26...+28°С.
• 12 маусым: ауа райы құбылмалы бұлтты. Күндіз өткінші жаңбыр жауып, найзағай болады. Оңтүстік-батыс желі 9-14 м/с. Ауа температурасы түнде +14...+16°С, күндіз +25...+27°С.
• 13 маусым: Ауа райы құбылмалы бұлтты. Кей уақыттарда жаңбыр жауып, найзағай күтіледі. Оңтүстік-батыс желі 9-14 м/с. Ауа температурасы түнде +13...+15°С, күндіз +25...+27°С.

Алматы қаласы бойынша ауа райы болжамы

• 11 маусым: Ауа райы құбылмалы бұлтты. Таңертең және күндіз жаңбыр жауып, найзағай болады. Оңтүстік-батыс желі 3-8 м/с, кей уақытта екпіні 15 м/с-қа дейін күшейеді. Ауа температурасы түнде +17...+19°С, күндіз +25...+27°С.
• 12 маусым: Ауа райы құбылмалы бұлтты. Өткінші жаңбыр жауып, найзағай күтіледі. Жел оңтүстік-батыстан және оңтүстіктен соғады, жылдамдығы 3-8 м/с, күндіз екпіні 13 м/с-қа дейін жетеді. Ауа температурасы түнде +15...+17°С, күндіз +28...+30°С.
• 13 маусым: Ауа райы құбылмалы бұлтты. Күндіз өткінші жаңбыр жауып, найзағай болады. Жел оңтүстік-батыстан және оңтүстіктен соғады, жылдамдығы 3-8 м/с, күндіз екпіні 13 м/с-қа дейін күшейеді. Ауа температурасы түнде +17...+19°С, күндіз +30...+32°С.

Шымкент қаласы бойынша ауа райы болжамы

• 11 маусым: Ауа райы құбылмалы бұлтты, жауын-шашынсыз. Солтүстік-батыс желі 8-13 м/с. Ауа температурасы түнде +15...+17°С, күндіз +32...+34°С.
• 12 маусым: Ауа райы құбылмалы бұлтты, жауын-шашынсыз. Батыс желі 8-13 м/с. Ауа температурасы түнде +18...+20°С, күндіз +32...+34°С.
• 13 маусым: Ауа райы құбылмалы бұлтты, жауын-шашынсыз. Батыс желі 8-13 м/с. Ауа температурасы түнде +18...+20°С, күндіз +34...+36°С.

Бұған дейін Оңтүстік Қазақстанда +40°С-қа дейін аптап ыстық күтілетіндігін жазғанбыз.