Алматыдағы оқу-жаттығу кезінде полицейлер зардап шекті

Алматыда жоспарлы оқу-жаттығу кезінде жарық-дыбыс гранатасының мерзімінен бұрын жарылуы салдарынан полиция қызметкерлері зардап шекті

Ведомствоның мәліметінше, оқу-жаттығу кезінде адам өліміне әкелмейтін қол жарық-дыбыс гранатасы іске қосылған.

Оқиға болған жерге жақын тұрған арнайы бөлімше қызметкерлеріне дер кезінде медициналық көмек көрсетілді.

Қазіргі уақытта қызметтік тексеру жүргізіліп жатыр.

Полиция әлеуметтік желілерде тараған ақпаратты жоққа шығарды.

– Қызметкерлердің көптеп зардап шеккені және олардың жағдайы ауыр екені туралы ақпарат шындыққа сәйкес келмейді, – деп мәлімдеді Алматы қалалық полиция департаменті.

Ведомство жалған мәлімет таратпауды және бұл үшін жауапкершілік бар екенін ескертті.