«Алматы Аренадағы» өртті сөндіру кезінде төрт бала құтқарылды

Өрт сөндірушілер Алматы қаласының Мұз сарайындағы өртті сөндірді, деп хабарлайды Zakon.kz.

Алматы қаласындағы жабық мұз айдынының кіші залының бірінші қабатында спорттық инвентарь өртенгені белгілі болды. Өрт сөндіру бөлімшелері келгенге дейін ондағы бөгде адамдар мен қызметкерлер ғимараттан шығып үлгерген. Газ-түтіннен қорғау қызметінің звеносымен барлау және өртті сөндіру барысында құтқару қалпақтарының көмегімен 2013, 2016, 2019 жылы туылған төрт бала құтқарылды.

"Үлкен өрт жүктемесіне қарамастан, өрт сөндірушілер өрттің іргелес орын-жайларға таралуына жол бермей, оны 40 шаршы метр аумақта сөндірді", деп нақтылайды қалалық төтеншеліктер.

2025 жылдың 25 қаңтарында Жезқазған мұнай базасында жарылыс болып, төрт адам зардап шекті.