Алты жастағы жиенін ваннаға батырып өлтірді: Шымкент тұрғыны 20 жылға сотталды

Шымкентте алты жастағы жиенін өлтірген әйелге үкім шықты. Ол қыздың қолын байлап, ваннада суға батырып жіберген, деп хабарлайды Zakon.kz.

Сот отырысы қалалық қылмыстық істер жөніндегі мамандандырылған ауданаралық сотында ашық сот отырысында өтті. Әйелге ҚР Қылмыстық кодексінің 99-бабының 3-бөлігі "Кәмелетке толмаған адамды өлтіру" бойынша айып тағылды.

Қайғылы оқиға 2024 жылғы маусымда қала тұрғыны мен оның әпкесінің қызы Ақпан батыр көшесінде орналасқан жалдамалы пәтерде болған.

"2018 жылы туған жиені Е.-ның оянып, айқайлап жібергеніне ашуланған сотталушы баланың қол-аяғын байлап, ұрып-соғып, оны еденге лақтырып жіберген ваннаға су құйып, жиенін суға батырып өлтіріп, қасақана кісі өлтірген", - деп түсіндірді соттың баспасөз қызметі.

Прокурор әйелді 20 жылға бас бостандығынан айыруды сұрады. Ал жәбірленушінің заңды өкілі сотталушыны кешіріп, оған қатаң жаза қолданбауды сұрады. Сотталушының өзі кінәсін мойындамады.

Сот К.-ны кінәлі деп танып, 20 жылға бас бостандығынан айырды. Ол жазасын қауіпсіздігі орташа түзеу мекемелерінде өтейді.

Үкім заңды күшіне енген жоқ.