Ақтүтек боранда жол көрсету үшін 18 шақырым жаяу жүгірген ақтөбелік құтқарушы марапатталды
© Сурет: Ақтөбе облысы ТЖД баспасөз қызметі
Ақпан айында боранда науқас әйелді ауруханаға шұғыл жеткізу үшін көлік алдына түсіп алып, басқа құтқарушылармен бірге кезек-кезек жаяу жүгіріп, 18 шақырымды артқа тастаған Нұрболат Тәжіғұлов Рақымжан Қошқарбаев атындағы "Айбын" ІІІ дәрежелі орденімен марапатталды, деп хабарлайды Zakon.kz.
Бүгіндері Мұғалжар ауданында құтқарушы болып жұмыс істейтін ол кезде айналаның көріну деңгейі нөл болғанын айтады. Сол ақпан айында оларға Басшилі ауылында егде әйелге медициналық көмек қажет екендігі, оны шұғыл аудандық ауруханаға жеткізу қажеттігі туралы хабарлама түскен. Қолайсыз ауа-райына байланысты төрт құтқарушы шана мобильмен жолға шығады, деп жазады Диапазон басылымы.
"Қар жауып, ақтүтек боран борап тұрды. Айнала, жол көрінбейді, шана мобильдің жолдан шығып кету қаупі бар. Сондықтан біз кезек-кезек сыртқы шығып, "Трэколдың" алдына түсіп алып жүгірдік, жүргізушіге жол көрсеттік, осылайша ауылдың өзіне дейін 18 шақырым жүрдік. Кері қарай да дәл солай жасадық. Боран тек түнде ғана сейілді, - деп еске алады Нұрболат Тәжіғұлов.
Ол өңіріндегі орден өзінің ғана емес, әріптестеріне де тиесілі екенін айтады.
28 жастағы Нұрболат 8 жыл қызметі барысында қанша адамды құтқарғаны есінде жоқ екенін айтады. Ол Қандыағашта туып-өскен. Бала кезінен нағыз ер адамның мамандығы туралы армандаған, сондықтан әскерден келгеннен кейін ТЖД-ға келіп жұмысқа орналасқан, ЖОО-ны сырттай бітірген.
"Отбасында төртеуміз, әпкем және екі ағам бар. Ал өзім әлі үйленген жоқпын. Марапаттау рәсіміне бардым, Астанаға алғаш рет бардым, - деп күледі Ақтөбе облыстық ТЖД-ның бөлім командирі Нұрболат.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:55, 19 мамыр 2024
Ақтауда оқушы қызға қол жүгіртті деп күдікке ілінген мектеп күзетшісі екі айға қамауға алынды
-
17:39, 19 мамыр 2024
ШҚО-да аралда қалып кеткен құлындарға құтқарушылар көмекке келді
-
17:15, 19 мамыр 2024
Усиктің проумоутері боксшының жағының сынғанын жоққа шығарды
-
17:00, 19 мамыр 2024
20 мамырда еліміздің басым бөлігінде жаңбыр жауады деп болжанады
-
16:51, 19 мамыр 2024
Дзюдодан ӘЧ-2024: Елдос Сметов пен Әбиба Әбужақынова қола медаль үшін таласатын болды