Пәкістан билігі Бішкектен шамамен 200 студентті арнайы рейспен алып шықты

2024 жылы 19 мамырда Пәкістан билігі Лахор қаласына Бішкектен 180 студентті арнайы рейспен жеткізіп алды, деп хабарлайды Zakon.kz.

Пәкістандық PTV News телеарнасы бұл алғашқы рейс екенін нақтылап, биліктің студенттерді Қырғызстан астанасынан әкетуді жалғастыруы мүмкін екенін хабарлады.

Студенттерді әуежайда Пәкістанның федералды ішкі істер министрі қарсы алды.

Special flight KA571 has landed at Lahore Airport safely bringing back the first batch of 180 Pakistani students from Kyrgyzstan.

Federal Minister for Interior @MohsinnaqviC42 was present to receive the students at the airport. pic.twitter.com/TfOiVQeow7

— PTV News (@PTVNewsOfficial) May 18, 2024

Сондай-ақ, Dawn басылымы Сыртқы істер министрі Исхак Дар мен Кашмир істері жөніндегі министр Амир Мукам бүгін, 19 мамырда Үкімет басшысының тапсырмасымен Бішкекке ұшып шағытынын жазды.

"Премьер-министр лауазымды тұлғалардан пәкістандық студенттердің жатақханаларында болып, олармен кездесуді тапсырды", делінген премьер-министр кеңсесінің мәлімдемесінде.

Пәкістанның Қырғыз Республикасындағы елшісі Хасан Зайгам Премьер-министрге студенттердің "қауіпсіз жерде" екенін, ал елшілік күш қолдану салдарынан зардап шеккендерге көмек көрсетіп жатқанын айтты. Сондай-ақ ол жарақат алып, Пәкістанға оралғысы келетін пәкістандық студенттерге қатысты дереу шара қолдануды тапсырды. ҚР Денсаулық сақтау министрлігінің мәліметінше, төрт адам зардап шеккен.

"Студенттік жатақханалар айналасындағы тәртіпсіздіктерді ескере отырып, елшілік Бішкектегі барлық пәкістандық студенттерге жағдай қалыпқа келгенше үйде болуға кеңес береді. Біз студенттік бауырластықтың қауіпсіздігін қамтамасыз ету үшін жергілікті құқық қорғау органдарымен байланыс ұстап отырмыз", — деп жазды елші.

Қырғыз Республикасының Сыртқы істер министрлігі 18 мамырға қараған түні ел астанасында шетелдіктердің қатысуымен болған жаппай төбелеске қатысты түсініктеме берді.

Қырғыз билігі түнгі аласапыран "қаһармандары" шетелдіктер десе, Пәкістан шенеуніктерінің мәлімдемесіне қарасақ, олар келесі тарапты айыптайды.

Бұған дейін жаппай тәртіпсіздіктер туралы Пәкістан Премьер-министрі Шахбаз Шариф түсініктеме берген болатын. 18 мамырға қараған түні Бішкек полициясы 300-ге жуық жас жігіттің жаппай төбелестен кейін шетелдіктерден кек алу үшін көтерілуіне байланысты барлық жеке құрамды аяғынан тік тұрғызды. Милиция кордондар қойып, топ адамды тежеп ұстауға тырысты. ҚР Ұлттық қауіпсіздік комитеті Қырғызстанмен шекарадағы жағдайға қатысты мәлімдеме жасады.