Ақтөбе қаласында есірткі сатушы қылмыс үстінде ұсталды

Ақтөбе тұрғыны есірткі түрлерін, оның ішінде синтетикалық есірткіні аса ірі көлемде сатумен айналысқан. Ол қылмыс үстінде ұсталды, деп хабарлайды Zakon.kz.

Күдікінің тұрғылықты жерін тінту кезінде Alfa-PVP синтетикалық есірткі заты, кокаин және каннобиноидты топтың есірткі заттары табылып, тәркіленді.

Қазір Қаржылық монитринг агенттігінің Ақтөбе облысы бойынша департаменті Есірткі және психотроптық заттарды аса ірі көлемде сақтау және өткізу фактілері бойынша сотқа дейінгі тергеп-тексеру жүргізіп жатыр.

"Ол азамат ұсталып, уақытша ұстау изоляторына қамалды".ҚР ҚМА баспасөз қызметі

Департамент өкілдері тергеу мүддесіндегі басқа ақпарат жария етілмейтінін хабарлады.