Актер Мейірхан Шерниязов бостандыққа шықты

Қазақстандық актер Мейірхан Шерниязов жазасын өтеп, бостандыққа шықты, деп хабарлайды Zakon.kz.

Ол бұл туралы 2025 жылғы 3 шілдеде Instagram-дағы парақшасында хабарлады.

"Аллаға шүкір…" - деп жазды Шерниязов мекемеден шыққан сәтін және мешітке барғанын видео арқылы бөлісіп.

Посмотреть эту публикацию в Instagram

Публикация от Шерниязов Мейирхан (@make_sakevich)

"Бұл рақымшылық та, шартты түрде босату да емес. Менің жаза мерзімім аяқталды, сол себепті шықтым. Алдымен орталық тергеу изоляторында болдық, кейін Павлодарда, соңында Алматыда отырдым. Қазір отбасымның жанындамын, өзімді жақсы сезініп жүрмін", - деді Шерниязов ZTB-ге берген сұхбатында.

2022 жылғы ақпан айында вайнер Мейіржан Төребаев, актерлер Мейірхан Шернияров пен Әзизжан Саидбаев қаржы пирамидасын құрды және оны басқарды деген күдікке ілінді. Олар қамауға алынды.

2023 жылдың басында сот процесі басталғанда, прокурор миллиардтаған теңгеге жасалған алаяқтықтың егжей-тегжейін жария етті. Сол жылдың маусым айында үкім шығарылды. Мейіржан Төребаев пен Мейірхан Шернияровқа қауіпсіздігі төмен колонияға 5 жылға бас бостандығынан айыру жазасы тағайындалды.