Ақтауда өлі табылған үш бала: Күдікті ретінде балалардың әкесі ұсталды

Ақтауда полиция кәмелетке толмаған балаларды өлтірді деген күдікпен олардың әкесін ұстады, деп хабарлайды Zakon.kz.

Ақтау қаласындағы 27 ықшам ауданда пәтерінен зорлықпен өлтірілген белгілері бар күйінде жасөспірімдер табылған.

"2011, 2014 және 2016 жылы туған кәмелетке толмағандарды өлтірді деген күдік бойынша полиция қызметкерлері 36 жастағы әкесін ұстады. Қазақстан Республикасы Қылмыстық кодексінің 99-бабы 2-бөлігі бойынша сотқа дейінгі тергеу амалдары басталды", делінген полиция хабарламасында.

Жедел-тергеу іс-шаралары жүргізіліп жатқаны да нақтыланады.