АҚШ-та бортсерікпен сөзге келіп қалған Хабиб Нұрмағамбетов рейстен түсірілді

АҚШ-та бұрынғы UFC чемпионы Хабиб Нұрмағамбетов бортсерікпен сөзге келіп қалғаны үшін рейстен түсірілді, деп хабарлайды Zakon.kz.

Essentially Sports мәліметінше, American Airline әуе компаниясына тиесілі ұшақтың ұшар алдында бортсерік төтенше жағдайда шығатын орын маңайына жайғасқан Хабибтен басқа жерге ауысуын өтінген. Нұрмағамбетов бұдан бас тартқан, содан кейін бортсерік әуе компаниясы қызметкерін шақырған. Ал ол өз кезегінде ақырында спортшыны рейстен шығарып тынған.

Әлеуметтік желіде жарияланған видеода бортсерік қыз Нұрмағамбетовқа апаттық жағдайда шығу есігі маңына отырғызуға рұқсат бере алмайтынын түсіндіріп, өзін тыңдамаған жағдайда рейстен шығаратынын айтады.

"Бұл әділетсіздік қой. Мен анда-мында ауысып жүре алмаймын", – деп жауап берді спортшы.

Хабиба Нурмагомедова сняли с авиарейса в США.

Он сел на место у аварийного выхода, где по правилам должен был помогать в случае экстренной ситуации. Когда бортпроводница уточнила его готовность, он ответил нечетко и начал спорить.

Ему предложили… https://t.co/b94dnNNxgR pic.twitter.com/UbMCwMYPC9

— LiveResult.Ru (@LiveResultRu) January 12, 2025

Нұрмағамбетов өзінің мансабын аяқтайтынын 2020 жылдың қазан айында америкалық Джастин Гэтжиді жеңгеннен кейін жариялады. Ол аралас жекпе-жектегі барлық 29 кездесуінде де жеңіске жеткен.