АҚШ-та арнайы операция барысында қазақстандық азамат ұсталды

11:29, 17 маусым 2026

© Фото: pexels

АҚШ-тың Иммиграция және кедендік бақылау қызметі (ICE) 2026 жылғы 5 маусымда федералдық әріптестердің қолдауымен жүргізілген мақсатты операция барысында Қазақстан азаматын ұстады, деп хабарлайды Zakon.kz.

Шетелдік ведомствоның мәліметінше, 2025 жылдың жазында иммиграциялық сот оның елден депортациялануы туралы шешім шығарған. Алайда ол сот отырысына келмеген.

Хабарламада қазақстандық азаматқа қатысты терроризмге қатысы болуы мүмкін деген күдік бар екені және оған елден шығару туралы түпкілікті шешім шығарылғаны айтылған.

Қазіргі уақытта ол депортациялау рәсімдері аяқталғанға дейін ICE қамауында болады.

Посмотреть эту публикацию в Instagram

Публикация от U.S. Immigration and Customs Enforcement (@icegov)

Сондай-ақ мәлімдемеде қазіргі әкімшілік саясаты аясында ICE иммиграциялық заңнаманы сақтау шараларын күшейткені, соның ішінде терроризмге күдікті немесе елде заңсыз жүрген тұлғаларды ұстау әрекеттері артқаны атап өтілген.

Еске салайық, 2026 жылғы 23 мамырда АҚШ президенті Дональд Трамп әкімшілігі грин-карта беру ережелерін қатаңдатқаны туралы хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!