Ағымдағы жұмыс аптасында Қазақстан заңнамасында қандай өзгерістер болды

"PRG." цифрлық жүйесі Қазақстан заңнамасында ағымдағы жұмыс аптасында болған өзгерістер туралы мәлімет ұсынды, деп хабарлайды Zakon.kz.

• Президент Қасым-Жомарт Тоқаев Қазақстанның атом саласын 2050 жылға дейін дамыту стратегиясын бекітті.
• Мемлекеттік архивтерге "Ұлттық" мәртебе беру қағидалары қабылданып, тиісті жарлыққа қол қойылды.
• Жамбыл облысының Қордай ауданында "Алатау" индустриялық сауда-логистикалық кешені" атты жаңа арнайы экономикалық аймақ (АЭА) құрылды.
• Қазақстанда жаңа мерекелік дата бекітілді: 3 қыркүйек – Қазақ тазасы мен төбеті күні.
• Үкімет әлеуметтік көмек көрсету қағидаларын қайта қарап, азаматтарды мұқтаждар санатына жатқызудың кейбір негіздерін алып тастады.
• Қазақстанға тауық жұмыртқасын әкелуге алты айлық тыйым енгізілді.
• Ұлттық банк офшорлық аймақтар тізімін жаңартты.
• Үкімет жекешелендіру нысандарын сату қағидаларына өзгерістер енгізді.
• Қазақстанда маңдайшаларды (жарнамалық жазуларды) орналастыруды келісу бойынша жаңа ережелер 1 қазаннан бастап күшіне енеді.
• Мәдениет министрлігі фонограмма қолдану туралы көрермендерді хабардар ету қағидаларын жаңартты.
• Ғылым және жоғары білім министрлігі Қазақстандағы халықаралық және шетелдік оқу орындарының қызметін реттейтін жаңа қағидаларды бекітті.
• Қазақстан қара және түсті металл сынықтары мен қалдықтарын экспорттауға қойылған тыйымды тағы 6 айға ұзартты.
• Жоғарғы сот әкімшілік істер бойынша процессуалдық заңнаманы қолдану мәселелеріне қатысты нормативтік қаулы қабылдады.