«50 пайыз дауысты ешкім жинай алмады». Иранда президент сайлауының екінші туры өтеді

Иранда президенттіктен үміткерлердің ешқайсысы бірінші турда 50% дауыс жинаған жоқ, енді сайлаудың екінші туры өткізілмек, деп хабарлайды Zakon.kz.

Иранда президенттік сайлаудың екінші туры 5 шілдеде өтеді. Бұл туралы елдің сайлау комиссиясының өкілі Мохсен Эслами мәлімдеді, деп жазады IRNA жергілікті ақпарат агенттігі.

Ирандағы 14-ші президенттік сайлаудың нәтижелері айқын күресті танытты: реформатор Масуд Пезешкиан 10,4 млн дауыспен көш бастап тұрса, ал екінші орында 9,4 млн дауыспен консерваторлар кандидаты Саид Джалили тұр. Сайлауда 61 миллионнан астам ирандықтың дауыс беруге құқы болды, бірақ тек 24,5 миллион адам бұл құқығын пайдаланған.

Иран сайлау заңнамасына сәйкес, екінші турда екі жетекші кандидат арасында тартыс өтеді.

28 маусымда кешке Ирандағы президенттік сайлауда дауыс беру уақыты үшінші рет ұзартылғаны белгілі болды, оған сәйкес ирандықтар жергілікті уақыт бойынша сағат 00:00-ге дейін дауыс бере алады.

Иранда президенттіктен үміткерлерді тіркеу 30 мамыр мен 3 маусым аралығында өтті. ОСК 278 адамның тек 80-інің құжатын қабылдады. 10 маусымда президенттік сайлауға қатысатын алты үміткердің есімдері аталды. Сайлау 28 маусымға белгіленді. Ираны Президенті - Жоғарғы көшбасшы аятолла Али Хаменеиден кейінгі елдегі екінші маңызды адам. Президенттің міндеттеріне Конституцияның ережелерін іске асыру және атқарушы билікке басшылық ету кіреді. Иранның сыртқы саясатының жалпы бағыты жаңа президентке байланысты болады.

2024 жылдың 19 мамырында бұрынғы Иран Президенті мінген тікұшақ Парсабад қаласынан елге оралу кезде апатқа ұшырады. Онда Әзірбайжан президенті Ильхам Әлиевпен бірге Аракс өзеніндегі Гыз-Каласы бөгетінің салтанатты ашылуына қатысқан Иран шенеуніктері болған. 20 мамырда тікұшақ апатқа ұшырап, ондағы барлық адам қаза тапқаны белгілі болды. Оның ішінде Иран Президенті Ибрахим Раиси де бар. Сондықтан елде кезектен тыс сайлау өтіп жатыр.