«Сергек» камералары енді республикалық маңыздағы жолдарға орнатыла бастайды
Қазақстанда 2021 жылдың басынан бастап Sergek камералары республикалық жолдарға орнатылады, деп хабарлайды zakon.kz.
Sputnik хабарлағандай, ҚазАвтоЖол жол ережесін бұзу фактісін тіркеп, оны әкімшілік құқық бұзушылықтардың бірыңғай тізіліміне өткізуге мүмкіндік беретін жүйені енгізуді жоспарлап отыр. Оны Sergek компаниясы арнайы бағандарға орнатады.
Sergek компаниясы баған орнатады, оған камера орналастырылады және олар жол ережелерін бұзу фактісін бірден тікелей анықтап, әкімшілік құқық бұзушылықтардың бірыңғай тізіліміне жеткізеді. Яғни, жол қауіпсіздігін сақтау бойынша республикалық жолдарда жұмыстар жүргізілуде, - дейді "ҚазАвтоЖол" АҚ басқармасының басшысы Ұлан Әліпов БАҚ-пен болған кездесуде.
Ол камералары бар осындай бағандар қазірдің өзінде қолданыстағы республикалық маңызы бар ақылы жолдарға орнатылып жатқанын атап өтті. Олар келесі жылдың наурыз-сәуір айларында іске қосылады деп жоспарланған.
Мысалы, Нұр-Сұлтан - Щучье тас жолында қозғалыс жылдамдығын анықтауға арналған камерасы бар баған бар. Осы камерадағы дерекке сәйкес, көптеген көлік бұл жолда сағатына 200 шақырымнан аса жылдамдықпен жүйткиді. Ал бұл жағдайда рұқсат етілген жылдамдық сағатына 140 шақырымды құрайды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:51, 17 желтоқсан 2021
Алматы облысындағы республикалық тас жол қолайсыз ауа райына байланысты жабылды
-
19:22, 7 желтоқсан 2021
Ақмола облысында орын алған жаппай жол апаты салдарынан 10 адам зардап шекті
-
16:42, 7 желтоқсан 2021
Қарағандыда бірнеше көлік жол жиегіне ұшып кетті
-
15:42, 3 желтоқсан 2021
Tesla балалар көлігін шығарды
-
00:00, 2 желтоқсан 2021
Жазғы дөңгелекпен жүрген жүргізушілер айыппұл төлеп жатыр