Үндістанда фестиваль кезінде піл адамдарға шабуыл жасады

Үндістандағы фестиваль кезінде сұмдық оқиға орын алды: мерекелік шеру кезінде піл бақылаудан шығып, жұртшылыққа шабуыл жасаған, деп хабарлайды Zakon.kz.

Baku.ws дерегінше, белгісіз себеппен жануар кенеттен үрейленген. Ахмадабад қаласында өтетін басты мейрамдардың бірі – Ратха-ятраға бағыт алған 18 пілдің ішінде бұл жалғыз аталық болған.

Гүлдермен безендірілген піл, көрермендер жиналған топтан қорқып кеткен болуы мүмкін. Бақылаудан шығып кеткен жануар көшенің бойында жиналған адамдарға қарай жүгірген. Піл мен құлаған құрылымдар бірнеше адамды басып қалған. Таңқаларлығы, ауыр жарақат алғандар болмаған.

Оқиға куәгерлері дереу зардап шеккендерге көмек көрсеткен. Ал аталық піл соңынан тағы екі пілді ертіп, көше бойымен жүріп кетті. Ақырында, оларға тыныштандырғыш дәрі егілді.

Айта кетейік, Үндістанда жыл сайын пілдердің шабуылынан 100-ден 300-ге дейін адам қайтыс болады.